ભ્રમણા_૧
વરસોથી પીડ દેતી અણિયાળી સઘળી પળ છે
દરિયો ઘુઘવતો લાગે; પેટાળમાં અનળ છે.
જ્યાં ઝાંઝવાનાં ધાડાં ઉમટ્યા અફાટ મનમાં,
હાંફી રહેલ પગલાં પીગળ્યાં છે પીડાગનમાં,
બ્હારે જે ચમકતું; આંખોનું ખાલી છળ છે.
હૈયુંય બોલે ઉછળી; - જીવ્યા'તા એ છે ભ્રમણા,
વ્હેતી નદીમાં દોર્યા જીવતરનાં જાણે સમણાં,
શ્વાસો ને ઉચ્છવાસો કાયમ અહીં અકળ છે.
- મુકેશ દવે
ભ્રમણા_૨
વરસોથી જે પીડા દેતી સૌ અણિયાળી પળ છે,
લાગે કે ત્યાં દરિયા ઘુઘવે ભીતર વડવાનલ છે.
દસ દશ્યેથી ધાડેધાડાં મૃગજળ ઉમટ્યા મનમાં,
હાંફી રહેલાં દિગ્મૂઢ પગલાં દાઝ્યાં પીડાગનમાં,
હોય નિખરતું જે જે બ્હારે તે આંખોનું છળ છે.
ઊછળી ઊછળી હૈયું બોલે જીવ્યા'તા એ ભ્રમણા !
વ્હેતાં જળમાં દોર્યા જાણે જીવતર રંગ્યાં સમણાં !
આતમ બેઠો શ્વાસ ગણે પણ શ્વાસોનું ક્યાં તળ છે !
- મુકેશ દવે
જામનગર
તા.૧૧/૦૨/૨૦૨૫, મંગળવાર
ટિપ્પણીઓ નથી:
ટિપ્પણી પોસ્ટ કરો