બાળપણાના ઝૂલે ઝૂલ્યાં ફંગોળાતાં ફંગોળાતાં,
મોટપણું ઝાલ્યું ત્યાં ડૂલ્યાં ફંગોળાતાં ફંગોળાતાં.
હાલરડાં ગાઈને માએ સપનાંઓ પીવડાવ્યા'તાં,
કંધોલે બેસાડી બાપે એ સપનાં જીવાડ્યા'તાં,
અગસરની આંધીમાં ઊડ્યાં ફંગોળાતાં ફંગોળાતાં.
અંજળના ઓછાયા ઓઢી ઘટઘટ પાણી પીધા'તાં,
લીલીવાડી માટે કેવા લાખ ઉધામા કીધા'તા !
સપનાં-અગસર સઘળું ભૂલ્યાં ફંગોળાતાં ફંગોળાતાં.
- મુકેશ દવે
અમરેલી
તા. ૧૧/૦૧/૨૦૨૫,શનિવાર
ટિપ્પણીઓ નથી:
ટિપ્પણી પોસ્ટ કરો