વાંસળીના સૂર મારા હૈયામાં ઉતરીને સામટું ગોકુળ લઈ દોડે,
વાછરુંવછોઈ ઓલી ભાંભરતી ગાયો શી લાગણીઓ ખીલા વછોડે
ધમની ને શીરાઓ રાસલીલા લેતી
ત્યાં પ્રગટે નરસિંહની મશાલ,
મીરાનાં ઝાંઝરિયા છમછમછમ બાજે ને
અંતરમાં ગૂંજે કરતાલ,
આખુંય આકાશ હવે મારામાં ઉતર્યું ને પ્રસર્યું છે વૈકુંઠની જોડે... વાંસળીના સૂર.
ફૂંફાડા દેતો એ કાલીનાગ જંપ્યો
ઓલ્યા કંસનેય લાગી સમાધિ,
તનમનમાં નેહની નદી એવી ફૂટી કે
પ્રીતથી છલકાઈ ગયો જલધિ,
ધર્મક્ષેત્ર-કુરૂક્ષેત્ર સઘળું છું હું; એના ગીતાજ્ઞાન સંશયો ફોડે....વાંસળીના સૂર.
- મુકેશ દવે.
વાછરુંવછોઈ ઓલી ભાંભરતી ગાયો શી લાગણીઓ ખીલા વછોડે
ધમની ને શીરાઓ રાસલીલા લેતી
ત્યાં પ્રગટે નરસિંહની મશાલ,
મીરાનાં ઝાંઝરિયા છમછમછમ બાજે ને
અંતરમાં ગૂંજે કરતાલ,
આખુંય આકાશ હવે મારામાં ઉતર્યું ને પ્રસર્યું છે વૈકુંઠની જોડે... વાંસળીના સૂર.
ફૂંફાડા દેતો એ કાલીનાગ જંપ્યો
ઓલ્યા કંસનેય લાગી સમાધિ,
તનમનમાં નેહની નદી એવી ફૂટી કે
પ્રીતથી છલકાઈ ગયો જલધિ,
ધર્મક્ષેત્ર-કુરૂક્ષેત્ર સઘળું છું હું; એના ગીતાજ્ઞાન સંશયો ફોડે....વાંસળીના સૂર.
- મુકેશ દવે.
