ચોળાયેલી ચાદર કહે છે; આ માણસ તો તૂટી ગયો છે,
તકિયે છલક્યું સરવર કહે છે; આ માણસ તો તૂટી ગયો છે.
ધોમધખેલા તડકામાં એ પરસેવાને વાવ્યા કરતો,
છાયો ધરતું તરુવર કહે છે; આ માણસ તો તૂટી ગયો છે.
ચકમકતાં વસ્ત્રોની હેઠળ વીત્યો વૈભવ ઢાંકી ફરતો,
ઝીરણશીરણ અસ્તર કહે છે; આ માણસ તો તૂટી ગયો છે.
ઝીરણશીરણ અસ્તર કહે છે; આ માણસ તો તૂટી ગયો છે.
રણ સંગ્રામો ખૂબ જીત્યો પણ જીવન જંગે લથડી પડતો,
ખીંટીટાંગ્યું બખ્તર કહે છે; આ માણસ તો તૂટી ગયો છે.
સંધ્યા ઢળતાં ઝાલર ટાણે ઝાલર ઝાલી આરત ધરતો,
મૂર્તિ થયેલો ઈશ્વર કહે છે; આ માણસ તો તૂટી ગયો છે.
- મુકેશ દવે
અમરેલી
તા.૧૦/૦૮/૨૦૨૦, સોમવાર
ગા X 16
