અંધારાના ઓળા ફેડી પાલવડે જ્યાં ફૂટી કૂંપળ,
ગઢપણના ઓવારે ઊભું હૈયું છલક્યું ખળખળ ખળખળ.
રાતીરાતી ભીંતો ભેદી
અજવાળાં બહુ પીધાં,
ત્યજી ઓઢણી પરાવલંબી
શ્વાસ મલીરો લીધા,
આંખો મીચી ગયા જનમના બંધન તોડે હરપળ.
અંધારાના ઓળા ફેડી પાલવડે એક ફૂટી કૂંપળ,
કલબલતરસ્યાં ઘરમાં પ્રગટ્યા
ઝગમગ તેજ ફુવારા,
આંસુ થઈને દડદડ વહેતી
નિર્મળ અમરતધારા,
ભોળપણાંનાં ઝરણાં ઝીલી ઊભાં અંજળ પળપળ
ગઢપણના ઓવારે ઊભું હૈયું છલક્યું ખળખળ ખળખળ.
- મુકેશ દવે
અમરેલી
તા. ૨૨/૧૨/૨૦૧૮, શનિવાર
ગઢપણના ઓવારે ઊભું હૈયું છલક્યું ખળખળ ખળખળ.
રાતીરાતી ભીંતો ભેદી
અજવાળાં બહુ પીધાં,
ત્યજી ઓઢણી પરાવલંબી
શ્વાસ મલીરો લીધા,
આંખો મીચી ગયા જનમના બંધન તોડે હરપળ.
અંધારાના ઓળા ફેડી પાલવડે એક ફૂટી કૂંપળ,
કલબલતરસ્યાં ઘરમાં પ્રગટ્યા
ઝગમગ તેજ ફુવારા,
આંસુ થઈને દડદડ વહેતી
નિર્મળ અમરતધારા,
ભોળપણાંનાં ઝરણાં ઝીલી ઊભાં અંજળ પળપળ
ગઢપણના ઓવારે ઊભું હૈયું છલક્યું ખળખળ ખળખળ.
- મુકેશ દવે
અમરેલી
તા. ૨૨/૧૨/૨૦૧૮, શનિવાર
