બાપુના ઝૂલે હું તો ઝૂલતી’તી ને મૂઆ વાયરાએ હેઠી પછાડી,
જોબનનાં ફોરાં હું તો ઝીલતી’તી ને મૂઆ મેહુલાએ આખી પલાળી.
ચાંદાએ અજવાળું ઓરીઓરીને મુને
વાવી દીધેલું અંગેઅંગમાં,
ફાગણિયા ફાલે રંગરંગના ફુવારે મુને
ઝબકોળી દીધી ઉમંગમાં,
શીળાં કેસૂડાં હું તો વીણતી’તી ને મૂઆ તડ્યકાએ આખી દઝાડી.
સુંવાળી સેજ મારી ડંખીલી થઈ મુને
કાળઝાળ પીડાયું આપે,
અધરોએ ડંખી; મારાં કાળજડે ડંખી મુને
કાયામાં અડાબીડ વ્યાપે,
મીઠી નીંદર હું તો માણતી’તી ને મૂઆ સોણલાએ ઝબ્બક જગાડી.
- મુકેશ દવે
- મુકેશ દવે
જામનગર
તારીખ: ૦૨/૦૮/૨૦૨૪
શુક્રવાર
ટિપ્પણીઓ નથી:
ટિપ્પણી પોસ્ટ કરો