અનિર્ણિત શબ્દયુદ્ધ (અછાંદસ)
***********×*+*******
પથારીમાં પડુ છું
ને મન
શબ્દ-સંગ્રામગ્રસ્ત
થઈ જાય છે. રોજ રાત્રે શબ્દોનું આક્રમણ,
કતારબંધ ગોઠવાય
એકબીજાને હડસેલે,
કેટલાય ઘાયલ થાય, મરે
અને મેદાન છોડી ભાગે પણ ખરાં.
કલાકો સુધી ચાલે આ ઘમસાણ
હું
તંદ્રાઈ જાઉં
નિંદ્રાઈ જાઉ.
વહેલી સવારે
મોબાઈલનો ઍલાર્મટોન સૂંઘીને
કાન મને જગાડે
આંખો પર
શબ્દોના ક્ષિત-વિક્ષિત શબોના ઢગલાનું ભારણ,
ચિત્તમાં શબ્દરક્તની નદીઓ વહેતી હોય,
આ બધું ખંખેરતો ભાગું છું
ફરીથી રાત્રિનું
આ અનિર્ણિત ઘમસાણ જોવા.
- મુકેશ દવે
તા.ક. - કવિશ્રી Sanju Vala સાહેબનો સ્પર્શ થકી ઝગમગતી થયેલી રચના
***********×*+*******
પથારીમાં પડુ છું
ને મન
શબ્દ-સંગ્રામગ્રસ્ત
થઈ જાય છે. રોજ રાત્રે શબ્દોનું આક્રમણ,
કતારબંધ ગોઠવાય
એકબીજાને હડસેલે,
કેટલાય ઘાયલ થાય, મરે
અને મેદાન છોડી ભાગે પણ ખરાં.
કલાકો સુધી ચાલે આ ઘમસાણ
હું
તંદ્રાઈ જાઉં
નિંદ્રાઈ જાઉ.
વહેલી સવારે
મોબાઈલનો ઍલાર્મટોન સૂંઘીને
કાન મને જગાડે
આંખો પર
શબ્દોના ક્ષિત-વિક્ષિત શબોના ઢગલાનું ભારણ,
ચિત્તમાં શબ્દરક્તની નદીઓ વહેતી હોય,
આ બધું ખંખેરતો ભાગું છું
ફરીથી રાત્રિનું
આ અનિર્ણિત ઘમસાણ જોવા.
- મુકેશ દવે
તા.ક. - કવિશ્રી Sanju Vala સાહેબનો સ્પર્શ થકી ઝગમગતી થયેલી રચના