ફૂત્કારે ફૂત્કારે ઝેરીલી દૂબળાયું ડંખે ને વિંધાઈ જાય હાય કાયા,
કાંચળીની જેમ હવે આયખાના ઓરતાની ઉતરી ગઈ વળગેલી માયા .
પેટે પથરાઈ ઊંડી કાળમુખી ખીણો ને
માથા પર કાળમીંઢ ડુંગરા,
સરવરના જળ સાવ છલી વહ્યાં ને પછી
આંખોમાં ખટકે છે છીપરાં,
કોઠી 'ને ધાનનાં બંધાયા વેર, થયા ચૂલાના દેવતા પરાયા.
કાંચળીની જેમ હવે આયખાના ઓરતાની ઉતરી ગઈ વળગેલી માયા .
અધપધ આ ખોરડાંને ઢાંક્યું છે આભ
ત્યાં ક્યાંથી હોય શીળી રે છાંયડી !!
પાઘડીમાં વલખે છે લાચારી બાપની ને
ખોળો લઈ વલખે છે માવડી,
આબરુની માને તો પૈણી ગ્યો શેઠ પછી દીકરીના આણાં ઠેલાયાં.
ફૂત્કારે ફૂત્કારે ઝેરીલી દૂબળાયું ડંખે ને વિંધાઈ જાય હાય કાયા.
- મુકેશ દવે
અમરેલી
તા. ૦૮/૧૧/૨૦૧૮, ગુરુવાર
બેસતું વરસ
કાંચળીની જેમ હવે આયખાના ઓરતાની ઉતરી ગઈ વળગેલી માયા .
પેટે પથરાઈ ઊંડી કાળમુખી ખીણો ને
માથા પર કાળમીંઢ ડુંગરા,
સરવરના જળ સાવ છલી વહ્યાં ને પછી
આંખોમાં ખટકે છે છીપરાં,
કોઠી 'ને ધાનનાં બંધાયા વેર, થયા ચૂલાના દેવતા પરાયા.
કાંચળીની જેમ હવે આયખાના ઓરતાની ઉતરી ગઈ વળગેલી માયા .
અધપધ આ ખોરડાંને ઢાંક્યું છે આભ
ત્યાં ક્યાંથી હોય શીળી રે છાંયડી !!
પાઘડીમાં વલખે છે લાચારી બાપની ને
ખોળો લઈ વલખે છે માવડી,
આબરુની માને તો પૈણી ગ્યો શેઠ પછી દીકરીના આણાં ઠેલાયાં.
ફૂત્કારે ફૂત્કારે ઝેરીલી દૂબળાયું ડંખે ને વિંધાઈ જાય હાય કાયા.
- મુકેશ દવે
અમરેલી
તા. ૦૮/૧૧/૨૦૧૮, ગુરુવાર
બેસતું વરસ