જઈં ઓલી નજરુંનું જોબનિયું ફાટફાટ થાય,
તઈં બીડેલી પાંપણોની ભીંત કૂદી જાય.
ગલીઓ ને શેરીઓમાં આમતેમ દોડી
કો'ક ડેલીની આરપાર ઝૂમે,
લીંપાતી ભીંતોમાં ઊગતી હથેળીઓને
હળવે પંપાળીને ચૂમે,
કૂવો ઉંચકતાં ઓલા હિલ્લોળતાં બેડાંમાં છલક છલકાય,
જઈં ઓલી નજરુંનું જોબનિયું ફાટફાટ થાય.
નદીએ ભીંજાતી જોઈ સૂની એકલતાને
વંઠેલી નજરું વીંટળાતી,
માછલીની જેમ થોડી ડૂબકીઓ ખાઈ
કૂણી પાનીઓની સાથે અથડાતી,
નીતરતી ઝૂલ્ફોમાં ભીંજાતી પીઠ ઉપર ધીમેથી લપસિયા ખાય,
તઈં બીડેલી પાંપણોની ભીંત કૂદી જાય.
- મુકેશ દવે
અમરેલી
તા.૧૩/૦૨/૧૯૮૭
શુક્રવાર
તઈં બીડેલી પાંપણોની ભીંત કૂદી જાય.
ગલીઓ ને શેરીઓમાં આમતેમ દોડી
કો'ક ડેલીની આરપાર ઝૂમે,
લીંપાતી ભીંતોમાં ઊગતી હથેળીઓને
હળવે પંપાળીને ચૂમે,
કૂવો ઉંચકતાં ઓલા હિલ્લોળતાં બેડાંમાં છલક છલકાય,
જઈં ઓલી નજરુંનું જોબનિયું ફાટફાટ થાય.
નદીએ ભીંજાતી જોઈ સૂની એકલતાને
વંઠેલી નજરું વીંટળાતી,
માછલીની જેમ થોડી ડૂબકીઓ ખાઈ
કૂણી પાનીઓની સાથે અથડાતી,
નીતરતી ઝૂલ્ફોમાં ભીંજાતી પીઠ ઉપર ધીમેથી લપસિયા ખાય,
તઈં બીડેલી પાંપણોની ભીંત કૂદી જાય.
- મુકેશ દવે
અમરેલી
તા.૧૩/૦૨/૧૯૮૭
શુક્રવાર
