છોક્કરીની આંખમાં ભમ્મરિયો કૂવો
એમાં સરપંચનો છોક્કરો ડૂબી મૂઓ,
ગામ તળિયું ડખોળે -ગામ મીંદડીને બોળે- ગામ કૂવો ઉલેચે.
છોક્કરીની પાંપણ એ કૂવાનો કાંઠો
ત્યાં દીઠી પારેવડાની જોડ,
ચાંચ મૂકી ચાંચે ને ઘૂટર ઘૂ નાદે
થઈ ઓળઘોળ થાવાની હોડ,
બાયું બેડાં ઝબોળે - બાયું આંખ્યું ઉલ્લાળે - બાયું સિંચણિયા સિંચે.
છોક્કરીની આંખમાં.......
કૂવેથી ઘોડાપૂર એવા કૈં ઉમટ્યા કે
ગામ આખું બબ્બે વાંભ પાણી-પાણી,
છોક્કરીની ખડકીએ કાદવકિચડ અને
સરપંચની ડેલી ધૂળધાણી - ધાણી,
લોક ધજ્જા ફરકાવે - લોક શંખલા ફૂંકાવે - લોક ઝાલરને ટીંચે.
છોક્કરીની આંખમાં..........
-મુકેશ દવે
અમરેલી,
તા.૨૬/૦૩/૨૦૧૮, સોમવાર
એમાં સરપંચનો છોક્કરો ડૂબી મૂઓ,
ગામ તળિયું ડખોળે -ગામ મીંદડીને બોળે- ગામ કૂવો ઉલેચે.
છોક્કરીની પાંપણ એ કૂવાનો કાંઠો
ત્યાં દીઠી પારેવડાની જોડ,
ચાંચ મૂકી ચાંચે ને ઘૂટર ઘૂ નાદે
થઈ ઓળઘોળ થાવાની હોડ,
બાયું બેડાં ઝબોળે - બાયું આંખ્યું ઉલ્લાળે - બાયું સિંચણિયા સિંચે.
છોક્કરીની આંખમાં.......
કૂવેથી ઘોડાપૂર એવા કૈં ઉમટ્યા કે
ગામ આખું બબ્બે વાંભ પાણી-પાણી,
છોક્કરીની ખડકીએ કાદવકિચડ અને
સરપંચની ડેલી ધૂળધાણી - ધાણી,
લોક ધજ્જા ફરકાવે - લોક શંખલા ફૂંકાવે - લોક ઝાલરને ટીંચે.
છોક્કરીની આંખમાં..........
-મુકેશ દવે
અમરેલી,
તા.૨૬/૦૩/૨૦૧૮, સોમવાર
ટિપ્પણીઓ નથી:
ટિપ્પણી પોસ્ટ કરો