ચકલી તારાં ચીંચીંકઢા ચકલીવેડાં મેલ,
માણસની જાત જેવા ખેલવાના થાય હવે રોજરોજ નવાનવા ખેલ......ચકલી૦
ખીંટી ને ગોખલા લીસીલસ્સ ભીંત
ને આભલાંને ઓરડે પૂર્યા,
હારબંધ બેઠેલી છબીઓના દેવતાઓ
પોટલે બંધાઈને ઝૂર્યા,
તોરણ ને કૂંડામાં ઝૂલવાના ઓરતાને હળવેથી પાછાં ઠેલ.....ચકલી૦
ચોખાના દાણાં હવે વારતામાં ગૂમ ને
થયા બાજરા કપાસના પૂમડાં,
ઝાડવાની જાત એવી વંઠેલી નીકળી
કે બંગલા બની છે રૂપકડા,
આબરૂને ચીરીને શીદને ત્યાં ન્હાવું ! ઓલી માટી ડામરની રખેલ....ચકલી૦
- મુકેશ દવે
માણસની જાત જેવા ખેલવાના થાય હવે રોજરોજ નવાનવા ખેલ......ચકલી૦
ખીંટી ને ગોખલા લીસીલસ્સ ભીંત
ને આભલાંને ઓરડે પૂર્યા,
હારબંધ બેઠેલી છબીઓના દેવતાઓ
પોટલે બંધાઈને ઝૂર્યા,
તોરણ ને કૂંડામાં ઝૂલવાના ઓરતાને હળવેથી પાછાં ઠેલ.....ચકલી૦
ચોખાના દાણાં હવે વારતામાં ગૂમ ને
થયા બાજરા કપાસના પૂમડાં,
ઝાડવાની જાત એવી વંઠેલી નીકળી
કે બંગલા બની છે રૂપકડા,
આબરૂને ચીરીને શીદને ત્યાં ન્હાવું ! ઓલી માટી ડામરની રખેલ....ચકલી૦
- મુકેશ દવે
ટિપ્પણીઓ નથી:
ટિપ્પણી પોસ્ટ કરો