ચપટી વગાડવાને આંગળીના ટેકામાં અંગૂઠો આવે છે જેમ,
એમ સખી એકલાંથી કેમ થાય પ્રેમ !!
અઢી અક્ષર સખી બોઝીલો એવો એને
ઊંચકવા બેઊ જણ જોઈએ,
બેઊ સંગાથે જો ઊંચકી લઈએ તો
વળી એકમેકમાં જાતને ખોઈએ,
પણ સૂનીસમ સીમમાં ભારો ચડાવવાને મળતીના કોઈની રહેમ.
એમ સખી એકલાંથી કેમ થાય પ્રેમ !!
હાથને ફેલાવતો - પ્રીતડીને પાથરતો
સપનામાં ઊગ્યો ભરથાર,
નજરોએ વાટ છેક દૂર લગ માંડી તો
સંભળાયો ઘેરો સૂનકાર,
વરસ્યા વિણ વાદળાંને જાતાં ભાળીને સૂકી ધરતી વલખતી હો કેમ !!
એમ સખી એકલાંથી કેમ થાય પ્રેમ !!
- મુકેશ દવે
અમરેલી
તા. ૧૧/૦૪/૨૦૨૦ શનિવાર
ઊંચકવા બેઊ જણ જોઈએ,
બેઊ સંગાથે જો ઊંચકી લઈએ તો
વળી એકમેકમાં જાતને ખોઈએ,
પણ સૂનીસમ સીમમાં ભારો ચડાવવાને મળતીના કોઈની રહેમ.
એમ સખી એકલાંથી કેમ થાય પ્રેમ !!
હાથને ફેલાવતો - પ્રીતડીને પાથરતો
સપનામાં ઊગ્યો ભરથાર,
નજરોએ વાટ છેક દૂર લગ માંડી તો
સંભળાયો ઘેરો સૂનકાર,
વરસ્યા વિણ વાદળાંને જાતાં ભાળીને સૂકી ધરતી વલખતી હો કેમ !!
એમ સખી એકલાંથી કેમ થાય પ્રેમ !!
- મુકેશ દવે
અમરેલી
તા. ૧૧/૦૪/૨૦૨૦ શનિવાર
ટિપ્પણીઓ નથી:
ટિપ્પણી પોસ્ટ કરો