કેવી રીતે ? ક્યાંથી ? આ ઘરમાં ઘૂસી ગયું !!
ઈચ્છાનું એ ઝૂમ્ખું બિસ્તરમાં ઘૂસી ગયું.
પૂરો એ ભીંજાયો પનધટ જોઈ જોઈ,
જ્યારે પ્યાસુ હૈયું ગાગરમાં ઘૂસી ગયું
માટે આજે વ્હેલો જાગી ના શક્યો હું
એવું મીઠું ! સપનું નિંદરમાં ઘૂસી ગયું,
ડાળે ટૌકાના ઊઠી રહ્યા છે પડઘા,
પંખીનું એક પીંછું તરુવરમાં ઘૂસી ગયું.
આંખો થોડી ઝૂકી, ગાલે ટશરો ફૂટી,
કોઈ કામણગારું અંતરમાં ઘૂસી ગયું.
એથી એની કાયા જીવે છે લથડાતી,
આખું ઝૂંડ ક્ષુધાનું ઉદરમાં ઘૂસી ગયું.
લાંબા જીવન માટે ઉત્પાતો કીધા'તા,
મૃત્યુ આવી આજે નસ્તરમાં ઘૂસી ગયું.
- મુકેશ દવે
અમરેલી
તા. ૧૩/૦૮/૨૦૨૦ ગુરુવાર
ગુરુવાર, 13 ઑગસ્ટ, 2020
ઘૂસી ગયું - ગઝલ
આના પર સબ્સ્ક્રાઇબ કરો:
પોસ્ટ ટિપ્પણીઓ (Atom)
ટિપ્પણીઓ નથી:
ટિપ્પણી પોસ્ટ કરો