અંધારાની ક્યાંથી રે લાવું સૂઝ ?
હે દીવા ! તું હળવે ને હળવે બૂઝ.
હૈયાના ઝખ્મો ઘણાં હતા,
કોઈ દુ:ખતા ને કોઈ દુઝતાં,
ગણકારું નહીં તો આવી જાતી રૂઝ.
હે દીવા ! તું હળવે ને હળવે બૂઝ.
હો સંબંધ સંચો કિંચૂડકિંચૂડ,
ભટકી ભટકી થઈએ દિગ્મૂઢ,
એમાં સ્નેહતેલને ધીમેધીમે ઊંઝ.
હે દીવા ! તું હળવે ને હળવે બૂઝ.
વ્હાલપના તાકેતાકા લાવ્યો,
અત્તર ફોરમતા ફાયા લાવ્યો,
વ્હેંચું જથ્થાબંધ ને વ્હેંચું લૂઝ
હે દીવા ! તું હળવે ને હળવે બૂઝ.
- મુકેશ દવે
અમરેલી
તા.૧૪/૦૪/૨૦૨૧, બુધવાર
ટિપ્પણીઓ નથી:
ટિપ્પણી પોસ્ટ કરો