બંદૂકમાંથી છૂટેલી એ ગોળીનો ધણણાટ આખાં જંગલમાં,
થરથર કંપી આકુળવ્યાકુળ પાંખોનો ફફડાટ આખાં જંગલમાં.
ડાળેડાળે કંઈ પાંદડાં ખૂદની મોજે
હર્યાભર્યાં લહેરાતાં જીવે,
આખો દિવસ સૂરજ સાથે ગોઠ ને
રાતે ચાંદાનું અજવાળું પીવે,
ત્યાં અચાનક કુહાડીની ધાકથી ફફડી ખરવાનો ખખડાટ આખાં જંગલમાં.
પળપળ અહીંયા જન્મમરણના ખેલને જોતો
નફ્ફટ થઈને વાયુ ઘૂમે,
રોજ અહીં તો જીવન માથે દસેદશ્યેથી
કાળમુખાળું મોત ઝળુંબે,
તે છતાંયે શોખજણ્યાં એ લોહી તરસતાં બાણોનો ગભરાટ આખાં જંગલમાં.
- મુકેશ દવે
પાન્ધ્રો
તા.૨૧/૧૨/૨૨, બુધવાર
ટિપ્પણીઓ નથી:
ટિપ્પણી પોસ્ટ કરો