કુંવારો વલખાટ (ગીત)
******************** મારા ભેરૂડા કો'ક મીંઢોળ બંધાવે; કો'ક પારણું ઝૂલાવે, આમ વળગી ગ્યા અંઈ ને તંઈ, તીં મારે પૈણવા વલખવાનું નંઈ ?? ઝાંઝરનો ઝણકારો; કંગનનો ખણકારો; મને દોમદોમ વહાલા લાગે, ભીંતે ચીતરેલ મોર; ટોડલાના પોપટડા, આમ તેમ ઊડવા લાગે, છબછબિયાં કરતાં સૌ રહભર તરબોળ ને મુજે ભણકારાય હાંભળવા નંઈ ?.........તીં મારે૦ ગંજીફાના મ્હેલમાં ચારચાર રાણીયું હવે પત્તેય રમવાનું બંધ, ચોપડી ખોલું ને હોય પ્રેમની કહાણી હવે એનેય વાંચવાનું બંધ, પણ ભૂંડ્યા હોણલાં તો આંખ્યું મીંચુને ત્યાં તોફાની ટોળી શા ડેકરો મચાવે અંઈ........... તીં મારે૦ - મુકેશ દવે તા.ક. મારું આ ગીત કવિશ્રી Jogi Jasdanwalaને ખાસ અર્પણ |
ગુરુવાર, 18 ફેબ્રુઆરી, 2016
કુંવારો વલખાટ (ગીત)
આના પર સબ્સ્ક્રાઇબ કરો:
પોસ્ટ ટિપ્પણીઓ (Atom)
ટિપ્પણીઓ નથી:
ટિપ્પણી પોસ્ટ કરો