લો, આ બળબળતા સપનાની વેદી - ઘૂણી ધખવો,
હોમી દો સઘળા નિઃસાસા ફેંદી - ધૂણી ધખવો.
આવો સૌનો સાથ લઈ તોડીએ જેલ ભરમની,
મૂંઝાયો છે આતમ નામે કેદી - ધૂણી ધખવો.
લોહીના કણકણમાં વહેતું તારું નામ લઈને,
ઊગી આવ્યો હું પડળોને ભેદી - ધૂણી ધખવો.
ધસમસતી પીડાનાં ઝાળાં ઘેરે છે ચોતરફે,
ફૂલ લઈને એને નાખો છેદી - ધૂણી ધખવો.
આ પૃથ્વી, પંખી, નભ, પશુ ને સઘળું તેં તો,
કૌતુકવશ થૈ નાખ્યું એને રેઁદી - ધૂણી ધખવો.
- મુકેશ દવે
અમરેલી
તા.૨૭/૦૯/૨૦૧૭, બુધવાર
છંદ આવર્તન ગા*૧૪
મૂંઝાયો છે આતમ નામે કેદી - ધૂણી ધખવો.
લોહીના કણકણમાં વહેતું તારું નામ લઈને,
ઊગી આવ્યો હું પડળોને ભેદી - ધૂણી ધખવો.
ધસમસતી પીડાનાં ઝાળાં ઘેરે છે ચોતરફે,
ફૂલ લઈને એને નાખો છેદી - ધૂણી ધખવો.
આ પૃથ્વી, પંખી, નભ, પશુ ને સઘળું તેં તો,
કૌતુકવશ થૈ નાખ્યું એને રેઁદી - ધૂણી ધખવો.
- મુકેશ દવે
અમરેલી
તા.૨૭/૦૯/૨૦૧૭, બુધવાર
છંદ આવર્તન ગા*૧૪
ટિપ્પણીઓ નથી:
ટિપ્પણી પોસ્ટ કરો