જેવો ચહો એવો અહીં દેખાય છે ભગવંત,
શ્રદ્ધા હૃદયમાં હોય તો પરખાય છે ભગવંત
જીવન ભર્યું આ સૃષ્ટિમાં, સૌંદર્ય પણ દીધું,
એની નિહાળી દુર્દશા પસ્તાય છે ભગવંત.
એનાં બનાવેલાં પળેપળ છેતરે એને,
સૌનો પિતા છે; શું કરે ? ગમ ખાય છે ભગવંત.
આળોટતાં ધન પર; વટાવી નામ એનું સૌ,
સોને મઢેલા ભારથી મુંઝાય છે ભગવંત.
કરતો નથી માટે કસોટી, ભક્ત સાચા ક્યાં ?
ઢોંગીઝમેલામાં હવે અટવાય છે ભગવંત.
પામે અહીં માનવ; કરેલાં કર્મના બદલા,
દુર્ભાગ્ય માટે છતાં પંકાય છે ભગવંત.
પામી નથી શકતાં દરિદ્રો એનાં દર્શન જ્યાં,
મંદિર તણી પછવાડમાં વેચાય છે ભગવંત.
સૌમાં વહે છે એ જ પોતે લાલ શોણિત થઈ,
રંગોના વાડામાં જગે વ્હેંચાય છે ભગવંત.
અંતરથી પારાવાર જો એનું સ્મરણ થાશે,
છે ભાવનો ભૂખ્યો; ઘણો હરખાય છે ભગવંત.
- મુકેશ દવે
મૂળ : અમરેલી, તા૨૫/૦૭/૨૦૧૧
સુધારો : પાંધ્રો, તા ૦૩/૧૦/૨૦૨૧, રવિવાર
ગાગાલગા ગાગાલગા ગાગાલગા ગાગા
શ્રદ્ધા હૃદયમાં હોય તો પરખાય છે ભગવંત
જીવન ભર્યું આ સૃષ્ટિમાં, સૌંદર્ય પણ દીધું,
એની નિહાળી દુર્દશા પસ્તાય છે ભગવંત.
એનાં બનાવેલાં પળેપળ છેતરે એને,
સૌનો પિતા છે; શું કરે ? ગમ ખાય છે ભગવંત.
આળોટતાં ધન પર; વટાવી નામ એનું સૌ,
સોને મઢેલા ભારથી મુંઝાય છે ભગવંત.
કરતો નથી માટે કસોટી, ભક્ત સાચા ક્યાં ?
ઢોંગીઝમેલામાં હવે અટવાય છે ભગવંત.
પામે અહીં માનવ; કરેલાં કર્મના બદલા,
દુર્ભાગ્ય માટે છતાં પંકાય છે ભગવંત.
પામી નથી શકતાં દરિદ્રો એનાં દર્શન જ્યાં,
મંદિર તણી પછવાડમાં વેચાય છે ભગવંત.
સૌમાં વહે છે એ જ પોતે લાલ શોણિત થઈ,
રંગોના વાડામાં જગે વ્હેંચાય છે ભગવંત.
અંતરથી પારાવાર જો એનું સ્મરણ થાશે,
છે ભાવનો ભૂખ્યો; ઘણો હરખાય છે ભગવંત.
- મુકેશ દવે
મૂળ : અમરેલી, તા૨૫/૦૭/૨૦૧૧
સુધારો : પાંધ્રો, તા ૦૩/૧૦/૨૦૨૧, રવિવાર
ગાગાલગા ગાગાલગા ગાગાલગા ગાગા
ટિપ્પણીઓ નથી:
ટિપ્પણી પોસ્ટ કરો