ગીત - પ્રીતોત્સુકા

 

પાલવડે ઝરણાં બાંધી ઘૂમતીતી રે લોલ,

દલ્લ મારું ખળખળતું જાય જો

ઓચિંતા સાતે સાગર ઉમટ્યા રે લોલ.

હૈયે મોજાઓ લાખ ઊછળે રે લોલ,

નજરુંમાં વાદળાં ઘેરાય જો

આંખોએ ચોમાસા આદર્યા રે લોલ
.

છાલક સોંસરવી મુને ભીંજતી રે લોલ,

અંતરમાં ઊતર્યો નિતાર જો

ઘેલા થઈને ભોગળ ખૂલિયા રે લોલ.

સણસણતા સૂસવાટા ઝીલતી રે લોલ,

હળવેથી બારણાં ભીડાય જો

બત્રીસ કોઠામાં દીવા ઝગમગ્યા રે લોલ.

- મુકેશ દવે
પાંધ્રો, તા.૦૯/૧૦/૨૦૨૧, શનિવાર