ગઝલ - પાડ તાલી

તને  ગમે મારી થોડી વ્યથા તો પાડ તાલી,
પછી સાંભળી શકે આખી કથા તો પાડ તાલી,

ઘણું દુષ્કર હોય છે આ રૂઢિઓમાં જીવવાનું ?
હવે તોડી શકે સઘળી પ્રથા તો પાડ તાલી,

બકા-બંટી- પિન્ટુ-ચિન્ટુ નામથી શું વળે ?
નીપજે સમ જો ડાલામથા તો પાડ તાલી.

પગલું ઉઠાવ હશે તિમિરગ્રસ્ત સર્વ રસ્તા,
પછી તું જ તારો દીવો થા તો પાડ તાલી.

લખી તો જોજે એકાદી ગઝલ મારા ઉપર,
'મુકેશ' નાચી શકે તાથૈતાથા તો પાડ તાલી.
- મુકેશ દવે
તા.૨૨/૦૮/૨૦૧૪